YEH ISHQ HAAYE!!!

Yeh Ishq bhi kaisi paheli hai

Kisi ko samajhti nahi toh kisi se sambhalti nahi,

Jisko samajhti hai use kabhi milti nahi 

Aur jis se sambhalti hai use uski kadar nahi...

Insaan chaai bhi fuk-fuk kar pita hai

Par Pyaar aankh band kar ke karta hai ,

Ajeeb khel hai yeh kismat ka

Pyaar ka ehsaas bhi dooriyaan hi sikhati hai...

Har shayar ki kahani ek si nahi hoti

Kuch panne aise bhi hote hai,

Jispar siyahi ki jagah 

dard aur khushiya bikhri hote hai...

Ishq me saza bhi usi ko milti hai

Jise uski parvah hoti hai,

Aur inaam bhi usi ko milta hai

Jise uski izzat hoti hai...

Heer-Ranjha, Laila-Majnu

Yeh toh bus mehez kuch kisse hai,

Aise hi kayi kisse aaj kal

Akhbaro me aur galli-chaubaro par mil jate hai...

Har insaan ke Pyaar ki

Ek rangeen daastan hoti hai,

Jiske rang me ya toh rang jata hai

Ya fir apne hi yaadon me be-rang ho jata hai...

Ishq ki izzat karo yaaro

Yeh har kise ke naseeb me nahi hota,

Par jise Ishq hota hai

Use uska ehsaas aksar der se hota hai...