Yeh dastaan unn dino ki hai jab insaan apne khush hal zindagi ke liye pehela kadam badhata hai. Ji haan, yeh Waqt hai college ke dino ka. ENGINEERING! yeh shabdh dekh kar, jaise aapke hosh udd jate hai. Har woh shaks jo peheli baar engineering college me jata hai toh uski maa garv se sab rishtedaro se keheti hai ki mera beta engineering kar raha hai. Har sapne ki shuruwat achhi hi hoti hai. Bus use pura karne me insaan piche rehe jata hai, kyuki use yeh toh pata hota hai ki banna toh engineer hi hai par yeh pata nhi hota ki uske liye kitne papad belne padte hai.One of the Top College Of The City, insaan ka status rishtedaro ke nazar me ucha ho jata hai. Yeh kahani bhi Bollywood ke Filmo jaisi mod leti hai, par itni jaldi nhi abhi toh "Tell Garam Hona Baki Hai". College ka pehela din, me bhi unhi logo me se tha jo naye chehero par yun nazar firate class me enter karte jase koi Lughaat me kisi shabd ka matlab dhund rahe ho. Do anjane shaks anjani muskurahat dekar ek dusro ka naam puchte hai aur isi tarah Dost bante hai. Shant, ba haya, amli kisam ke logo me se ek tha me. Apna adha bachpan apne Rabt ke sath aur adha apne Qalmi Dosto ke sath bita chuka tha. Wakt tha jawani ka, khud ki jagah aur Shaksiat banane ka. Facebook!!! isi kaise bhul sakte hai, 80 pratishat logo ki subha status update karne par hoti hai. 20th June 2011 10:37pm, facebook(1 Friend Request). Shayad 8 saal baad naam padha tha mene uska, ek muskan ke sath request accept kar li. Hi! isi shabd ke sath baat shuru ki, do jaan pehechan ke log do anjaan shero se jude the. Meri khamoshi ko Rawaiyaa samajh rahi thi woh aur me uske Faliat ko bechaini. Har din kitabo se shuru hota tha aur har raat uske peghaamo par khatam. Bechaini har dhalti shaam ke sath badhti thi aur har badhti raat ke sath dhalti.
Mobile par signal naa ho toh mano jaan si nikal jati thi, kyu ki bus raat hi thi jo hame jod rahi thi. Kisi din jawab na aye toh dar sa lagta tha, par dusre din dar se bhi samjhauta kar leta tha. Yeh toh janta nhi tha ki kya lagti thi woh meri jiske liye itni bechaini, itni fikra, itni dil lagi thi, bus yeh janta tha ki Jaan basne lagi thi usme meri. Mujhe ab bhi yaad hai woh raat jab peheli baar usne mujhse koi Meherbaani mangi thi, subaah 5 baje uthane ki farmaish ki thi aur me la parwah sa itnisi baat ko sarakhoo par nahi rakh paya. Pura din wohi baat mere zain me dhaura rahi thi, kehe rahi thi ki ek zimma liya tha woh bhi pura nhi kar paya. Toh socha Surprise karta hoon usse mulakat kar ke, par jaise badkisamti mera puri tarah se sath nibha rahi thi. Use kisi aur se hi pata chal gaya ki me wohi hu uske sher me aur fir bhi usse milne ka shabd bhi zaya nahi kiya ho mene. Badi mushkil se manaya tha use aur akhir woh waqt aa hi gaya jab woh mere samne thi aur me uske samne. Shor! sirf dhakano ki badhti raftar ka tha, Aahat! sirf uske kadmo ki aur Nazare! sirf use hi dekh paa rahi thi. Aisa lag raha tha jaise woh pal aise hi chalta rahe aur ussi raftar se zindagi uske sath badhti rahe. Thaki hui Baahe, Num Aankhe, Bikhre baal aur Hotho par 100000Watt wali muskan lekar meri or ati hui woh ladki aisi lag rahi thi jaise humari roz mulakat hoti ho. Pata nahi kaise par mujhe uske har Alfaz ki Geheraiyaan samajh ane lagi thi. Uski aankhe mujhse bohot kuch kehena chahati thi par woh unn baaton ko zubaan par lane se Zhizhag rahi thi. Uski aawaj me ek alag hi Attar tha, jaise koi do alag-alag Rango ko ek hi Saraahi me ghol diya ho. Uski awaj meri kaano par aise padh rahi thi ki mera dhyan kahi aur lag hi nahi raha tha. Khule asmaan ki or dekh kar kuch khoj rahi thi woh, Orion! Taaro Ka Jhurmat, jise woh roz dekha karti thi, par na-jane kis wajah se uss din use Muh chhupai baitha tha. Peheli baar use inta bechain hote dekha tha, jaise kisi ne uski aziz chiz chupa di ho. Uss raat toh woh dikha nahi, shayad koi ishara tha ya koi Itafaq. 9 ghante sath bitaye hui jaise bus kuch pal lag rahi the, Yeh socha bhi nahi tha ki lautne ka bhi waqt ayega. Mann kar raha tha ki use rok lu aur puchu ki yeh wakt aise hi nahi chal sakta? isi tarah roz milna nahi ho sakta? Kuch palo me woh mere nazro se dur jaa chuki thi, peheli baar mene kisi ki kami mehsus ki thi, peheli baar mene kisi rishtey ko itne karab se jana tha, apne aap me se unn Aib ko pehechan tha jo mene kabhi Ittela nahi kiye the. Ab toh bechaini ek naye Mukaam par jaa pahuchi ti, ab intazaar ka nasha aur bhi dugna ho gay tha. Agle hi din phone par uski awaj sunne par dhadkane raftar pakdne lagi thi, usse zindagi ke har gum ko baatne laga tha me. Waqt ke sath pata bhi nahi chala ki uske naam sunne par kabhi mere Hothon par Muskan aur Dil ki Dhadkane tezz bhi ho sakti hai. Kuch dosto ne koshish ki mujhe samjhane ki, ki ise Dilkashi nahi kehete, ise Pyaar kehete hai, par me yeh manne ko tayar nahi tha ki mujh jaise insaan ko kabhi pyaar bhi ho sakta hai. Har Muqadda par uske hi khayal the, har jagah uske hi sawal the, ghera hua tha uske lamho ne mujhe kyu ki mere Dil aur Dimag, uske nashe me dono Beheaal the. Me Tassavur bhi nahi kar paa raha tha ki me kisi se itni Beintehaan mohobbat kar sakta hu. Usse baat karne ko toh jaise ajab sa Khauf tha mere mann me, jise mere andar waqt ke sath badhat mil rahi thi. Par ab kehena jaruri tha, kyu ki uss bechaini ko me aur Dilkashi ka naam nahi de paa raha tha, batana chahta tha use ki haan mujhe tumse Beintehaan mohobaat hai. 24th July 12.42pm, ||I Think I'm In Love With You||, yahi shabdo me use bayan kiya tha, Par..... Yeh toh kabhi socha hi nahi ki usse bhi mujhse pyaar hoga ya nahi. Use Ittela toh kar diya tha aur meri usse jude har rishtey, wade aur palo ko daav par laga chuka tha me. Samay beet raha tha aur bechaini badh rahi thi ki uska jawab kya hoga. Mene toh meri or se sab soch liya tha par yeh bhi sochna jaruri tha ki uske mann me mere liye kya ehsas hai. Mere phone ke shor ke lay par meri dhakane Nazir ho rahi thi, usika naam Chhalak raha tha. Hello! awaj jaise kisi geherai se ati hui mere kaano par padi, Saans bharte hue mene aankhe mund li, aur ek bund sidhi mere Aaankho se Zameen ki duri tay karte hue Zameen par jaa giri...
To Be Continued...♥♥♥
