BIKHRE ALFAZ!!!

Yun hi chal raha hu me

Hath me kitab aur dil me sawal hai,

Sukhe patto pe chal padi

Zindagi ki yeh adhuri talaash hai...

Hawa ke rukh se

Badal bhi apni manzil mod lete hai,

In ghane pedo ka kya

Bikhre patto me bhi apna dard chupa lete hai...

Har udte patto me

Kisi ka khwab likha hota hai,

Tair jaye toh pura

Aur doob jaye toh Adhura hota hai...

Behete pani ka bhi

Kaha koi thikana hota hai,

Kahi mil jaye toh

Samundar ka bhi kinara hota hai...

Kahaniya toh bohot si hai

Jise yaad kiy jaye,

Par tum uss nazm ki tarah ho 

Jise padhkar kise bhi pyaar ho jaye...

NAQAAB!!!

Nazme padhkar wah-wah kehne walo

Har shaks ka guzra daur hota hai,

Kuch mann me hi sath le jate hai

Aur kuch ashko me baya kar jate hai...

Safalta ke pichhe mat bhago

Jeet ka gurur sar chadhkar bolta hai,

Hausla hare insano ko mene
Aksar ladte dekha hai...

Zindagi me haar bhi bohot zaruri hai

Khud ke aib ka pata chalta hai,

Aur jitna bhi behad zaruri hai

Khud ke hunar se ru-ba-ru hote hai...

Kitabo ke panne toh log padhkar bhul jate hai

Par unka swad har kisi ke jubaan par hota hai,

Kahani ka saransh hume yaad reheta hai

Lekin lafz toh unhi ke hote hai...

Husna ki tarif toh har koi karta hai

Saccha aashiq toh uski ibadat karta hai,

Kisike muskan par dil mat har baitho

Muskurahto ka bhi naqaab hota hai...

KADHI TUJHYA, KADHI MAJHYA!!!

Kadhi tujhya dolyat, 

Kadhi majhya dolyat, 

Aplya athvani firatach astat... 

Kadhi Tujhya shabdat, 

Kadhi majhya shabdat,

Premachya goshti nighatach astat... 

Kadhi tujhya hrudayat, 

Kadhi majhya hrudayat, 

Ek mekanche naav satat  gun-gunat astat...

Kadhi  tujhya hatat, 

Kadhi majhya hatat, 

Doghanche hath guntlelech astat... 

Kadhi tujhya vicharat, 

Kadhi majhya vicharat,

Athavani che kshan bhijatach astat...

Kadhi tujhya premat me, 

Kadhi majhya premat tu,

Na visarta apan nehmi padatach asto...

DIL KAHE ROK LU!!!

Yaha meri kalam fir chal padi hai

kisi kore kagaz par,

Aur me jaanta hu ki tum bhi

meri hi nazme pad rahi hogi....

Meri aankhe nahi dekhegi tumhe

kyuki yeh jhut nahi bol pati,

Rokna toh bahe bhi chahti hai tumhe

par kya karu yeh dil ki zuba nahi bol pati...

Mousam ki peheli barish fir hogi

jiski kad-kadahat me sirf meri dhadkano ki aahat hogi,

Bheegte hue tumhare badan pe

har ek boond me bus meri hi yaade hogi...

Yun toh Nafrat hai mujhe iss barish se

jo tumhe chhune ki jurrat karti hai,

Par khushi bhi hai mujhe

kyuki tumhari muskurahat ki shurwat bhi isi se hai...

Sochta hu kaid kar lu tumhari harkato ko

par unhe tumse chhine ka mann nahi karta,

Yun toh hamesha muskurati hi ho,

aur aaj kehe rahi ho ki chodne ka mann nahi karta...

Meri har baat ko tolne ki adat nahi hai tumhari

fir aaj kyu mere asuo ko tol rahi ho,

Kuch hi din gili rahegi yeh palke 

fir toh tum bhi kahi dur jaa rahi ho...

YAAD HAI WOH DIN!!!

Yaad hai woh din, jab Chand tut kar
zameen par aa gira tha,

Hum bhage the dhundne use par

kahi kuch nhi mila tha... 

Ghane jungle me hum dono ki 

saason ka pehera tha, 

Hath pakadkar chalte tumhari muskan par

jo thehera tha... 

Peheli baar kisine apna samajhkar

hath thama tha, 

Dhadkane tez, par ek bharosa tha...

Kuch bechain si thi tumhare aankho

ki roshni, 

Pal pal tumhari muskan ko jo yun

chhed rahi thi,

Kadam tumhare chal rahe the aur aahat mere dil me gunj rahi thi...

Jaa pohoche the hum us kinare, 

Jaha talab me ek roshni ka tinka

chamak rahai tha, 
Dekhte hue karib pohocha toh tuta hua

chand nhi Tumhara hi aks tha...