Plaster Aur Tum!!!

Ek hadse ne hume sath laya 
Jo hume itna karib le aya, 
Tab tak dur the toh khush the 
Aaj sath hai toh jyada khush hai...   

Sath rehene par dard kum hota hai 
Dur hone par jaise sahara chhut jata hai, 
Itne karib ho mere ki mehsus 
kar sakta hu tumhe bina chhue... 

Dikhne me haseen hai 
Jise mil jaye unke apne apne nasib hai,
Hath pakad kar chalna toh iski fitrat hai... 

Dard ko kum karna toh 
Jaise iska pesha hai, 
Tumhara mera sath 
jaise hamesha hai...   

Sath toh yeh bhi deta hai 
Usi tarah jaise aankh nazar ka, 
Par tumhari tarah nhi 
Har pal, har wakt, hamesha...

Yun toh sab soch rahe hai 
Ki yeh kissa hai kis prakar ka, 
Par tum muskura rahi ho 
Jankar ki yeh kissa hai
Tuhara aur is nile plaster ka...

Kuch Humari, Kuch Tumhari Baatein!!!

Kuch Jani Pehechani Shabd
Hasi-Gum Ka Khel Hai,
Zindagi Toh Ashko Ka Ajnabi
Sa Mel Hai,
Jisme Kabhi Har ,Toh Kabhi 
Jeet Hai...

Aankh Mund Kar Mehesus Karna
Sikhaya Tumhi Ne Hai,
Pyar Jatana Batlaya Bhi Tumhi
Ne Hai,
Kuch Kum, Kuch Jyada Jazbaat
Ubharte Hai...

Rishto Me Humare Jo Gholi Hui
Halki Mithas Hai,
Jeene Ki Wajah Toh Aur Bhi
Khas Hai...
Kabhi Adhe, Toh Kabhi Pure
Hote Hai...

Kyu Iss Tarah Milna Jaruri
Ho Jata Hai,
Kyu Awaj Naa Sunne Par Chain
Kho Jata Hai,
Dil Kabhi Kuch, Toh Kabhi Sab Kuch
Kehe Jata Hai...

Yun Toh Kishto Me Humari Mulakat
Hoti Hai,
Khwabo Me Toh Roz Ek Dusre Se
Baat Hoti Hai,
Kuch Kal Ki, Kuch Nayi Yaade Sath
Hoti Hai...

Nazron Se Dur Sath Hum Hoge!!!

Nazro Ke Kisi Kone Me Hoge
Kuch Ashk Jo Zindagi Ke Pehelu Ko
Pehechante Hoge,
Kajal Se Chupa Kar Jise Tum
Parchai Kehelate Hoge,
Kuch Sapne Bhi Chhup Gaye Hoge
Jinhe Tum Khwabo Me Tehelate Hoge,
Kabhi Yaade Toh Kabhi Hume
Yaad Karke Muskurate Hoge...

Kyu Dur The Humse Itna Ki Sirf
Dhadkane Sunai De Hume,
Kaha Tha Tumse Ki Mushkil Hai
Jeena Tumhare Bin In Anjaani
Raho Me,
Hath Pakadkar, Ladkhada Kar Hi
Sahi Sath Hone Ka Ehsaas Toh Mila Hume,
Agar Sath Na Hote Toh Sambhalne
Ka Mauka Kaise Milta Hume...

Pyar, Ishq, Mohobat, Yeh Toh Bus
Baate Hai,
Zindagi Ke Raha Par Chalne Ke
Wade Hai Yeh,
Zindagi Toh Tab Haseen Hoti Hai
Jab Hum Sath Nibhate Hai Inhe...

Jeena Aur Marna Yeh Do Zindagi
Ki Paheliya Hai,
Agar Hum Sath Ho Toh Inhe
Suljhane Ki Koi Jarurat Nahi,
Kyuki Koi Bhi Paheli Sulajh Jaye
Apnani Toh Dono Ko Hai...

Kuch Sikho In Bhawron Se
Jo Bin Chhue Pehechante Hai
Mithas Ko Kisi Rangeen Phool Me,
Jismo Ke Piche Bhage Hum Firte,
Uttro Kabhi Ruhh Me...

Kuch Toh Tha Jo Hume Jod Raha Tha!!!

Aamne Samne The Fir Bhi Dil
Me Koi Khalish Thi,
Kuch Baat Thi Jo Ankahi,
Ansuni Thi,
Kuch Toh Tha Jo Hume Jod Raha Tha...

Karib The Itne Ki Chhukar
Guzar Jate,
Fir Bhi Lafzo Ko Anchhua 
Hi Rakha,
Kuch Toh Tha Jo Hume Jod Raha Tha...

Hum Paas Nahi The Fir Bhi Dil
Me Jazbat The,

Chup The Fir Bhi Kaano Me

Tumhari Baat The,

Kuch Toh Tha Jo Hume Jod Raha Tha...

Sath The Kuch Din Jo Sabse
Haseen The,
Intazar Tha Jo Kab Khatam
Ho Gaya Pata Bhi Nahi Chala,
Kuch Toh Tha Jo Hume Jod Raha Tha...

Izhar Nahi Kiya Bus Intazar Ke
Kuch Pehelu Bataye,
Honsla Nahi Tha Par Halat Ne
Sab Bayan Kar Diya,
Kuch Toh Tha Jo Hume Jod Raha Tha...

Tumhara Yun Tookna, Mujhpe
Haq Jatana,
Na Chahakar Bhi Dur Nahi
Rehe Paya Me,
Kuch Toh  Tha Jo Hume Jod Raha Tha...

Ab Sath Hai Hum Kuch Is Tarah
Pass Hai Hum,
Saans Me Ghuli Saans, Ab Puri Hui
Baat Hai,
Kuch Toh Tha Jo Hume Jod Raha Tha...

Pyar, Pyar Aur Pyar
Yahi Toh Tha Jo Hume Jod Raha Tha...

Parchhai!!!

Tumhi Ho Ya Koi Parchhai
Jiske Piche Meri Parchhai 
Tehelti Reheti Hai,
Jaise Tumhare Saanso Ke Piche
Meri Saase Chalti Ho... 

Halki Si Muskan Aa Jati Hai Chehere Par
Jab Tumhe Khush Dekhta Hu,
Khushi Hoti Hai Tumhare Sath Hone Ki,
Jaise Khushi Peheli Barish Ke Bondoon Ko 
Chukar Hoti Ho...

Wajah Mil Gayi Hai Ab
Kuch Karne Ki, Jine Ki, 
Khud Ke Liye Nahi Kisi Aur Ke Liye Jine Ki
Jaise Koi Jarurat Nahi Aadat Ho...

Pehele Bhi Zinda The Par Tumhe Paakar
Kuch Alag Khushbu Hai
Zindagi Ke Inn Panno Ki,
Jaise Iss Kitab Me Kisine Gulab Rakh Diya Ho...

Jab Tum Sath Hote Ho,
Kuch Alag Rang Bikhre Hote Hai
In Hawao Me, 
Jaise Koi Rango Se Khel Raha Ho...

Jitni Khushi Tumhe Pane Ki Hai,
Usse Kai Jyada Darr Tumhe 
Khone Ka Bhi Hai,
Jaise Kisi Pedh Ko Uske Patto Ko 
Khone ka Dar Hota Ho...

Ab Tum Mujhme Sama Gaye Ho!!!

Jab Se Tum Mile Ho
Khuch Ajeeb Se Pal De Gaye Ho,
Kuch Khatte, Kuch Mithe
Ya kuch Sache, Kuch Acche
Pal Sath Le Gaye Ho...

Socha Na Tha,
Bus Kuch Hi Lamho Me Zindagi Ne
Iss Tarah Karvate Le Liye Ho,
Kehete Kehete Bus Kuch Lafzz
Dil Ko Halke Se Chhu Gaye Ho...

Raat Thi Ya Kala Ujala,
Baato Baato Me jaise Kuch 
Dhundhla Sa Ho Gaya Ho,
Hath Par Rakhkar Hath
Kehe Diya Hota, Haan Woh Tumhi Ho
Tumhi Ho, Tumhi Ho...

Sath Toh Bohot Nibhaya
Teen Dino Me Jaise
Khud Ko Pehechan Liya Ho,
Par Alvida Kehete Hi Aisa Laga
Jaise Sab Teen Lamho Me Beet Gaya Ho...

Choti Moti Ungliyo Se
Baalo Ko Sehela Kar
Khud Ko Unki Chhav Me
Chhupa Liya Ho,
Ya Hoto Ko Rukhe Pankhudiyo Se
Gulabi Resham Se Rang Lauta Diya Ho...

Bheegna Manjur Nahi Tha
Par Pyar Ne Jaise Pure
Tan Ko Bheego Diya ho,
Karib Aakar Dhadkano Se
Kisi Bejaan Ko Jaga Diya Ho...

Bus Aur Nahi Rehe Sakte
Itne Kyu Dur Chale Gaye Ho,
Pass Aajao Ab Itna Ki
Dil Ki Dhadkano Ko Tum Nahi
Dhadkane Tumhe Sun Rahi Ho...

Dil Se Ek Baar Puch Liya Hota!!!

Nafrat Se Hi Sahi Mera Naam Toh

Liya Hoga,

Ek Pal Ko Apne  Labon Par Mujhe

Thaam Liya Hoga,

Har Roz Woh Keheti Hai Mujhe

Pyaar Nahi Tumse,

Har Raat Mera Dil Kehta Hai Isne

Galat Sunn Liya Hoga,

Jab Unse Nazar Mili Toh Saari

Qaynath Ruk Gayi,

Na Jane Usne Meri Aankhon Me Kya

Kya Dekh Liya Hoga,

Mile The Jab Hum Kwabon 

Me Unse,

Dil Se Nahi Riwaj Se Hi Sahi Humara

Haal Puch Liya Hoga,

Yaad Karke Kuch Hasin 

Lamho Ko,

Tumne Bhi Dil Se Laga

Liya Hoga,

Sath Bitaye Woh Mukhtasar 

Palo Ko,

Hasi Ki Gunj Me Uchaal Toh

Liya Hoga,

Karte The Jo Baate Hum

Kisi Raato Me,

Unhe Chand Ki Roshni Me Mehsus

Kar Toh Liya Hoga,

Iss Akele, Anjaan Insaan Ko Majburi

Se Hi Sahi,

Kabhi Na Kabhi Apna Maan Toh

Liya Hoga. . .